姆姥韦黄氏（修改后稿）

1、姆姥韦黄氏（修改后稿）MEHLAUX VEIZ VANGZSIGaeq ngamq haen mbwn caengz rongh,aen ranznamh iq gyaeujmbanj baihdoeng mbanjgaeqgim ndaw de,aen mbonqfaex he ngingi ngetnget yiengj yaep he,gyoengq riep baengzdoj maenhswd haenx daj baihndaw mbiqhai,ciep dwk“dak”sing yiengj ndeu,dienhdaeng rongh lo.Youq laj daeng rong

2、h,boux mehlaux cawjhoz unqswnh he roengzmbonq daeuj,byaijdaengz najcueng,yungh fajfwngz naengreuq ndok youh doed haenx,daj gwnzdaiz seiqfueng dawz aen roi faexumuz he daeuj,yaengyaeng roi gij byoem loq hau de.CatCataen roi faex nod deng gij byoemgyaeuj fat ok gij sing unqswnh haenx,lumj bouxsien boq

3、- naeuz nei,yaek miz yaek mbouj ,biu hwnj biu roengz, daep sim ngaeu saej,dawz de daiqhaeuj gij saeh dauqngeix ngoenzgonq ndawde bae.Soujgo bouxcuengh ciuhgeq he,youq byairwz de yiengj hwnjdaeuj lo:Sai dwg mbwn,Mbwk dwg deih,Mbwn hoemq deih,Guh gvanbaz.Gwnzmbwn byajraez youh doekfwn,Gwnzbiengz fanhv

4、a giet baenzaen.Gietbaenz makvan bouxsai byaet,Gietbaenz maksaep mehmbwk gwn.Souj go neix,dwg dangzgoq daihit daxmeh son de baenzlawz guh mehmbwk.De geiq ndaej,daxmeh dwg song da hamz raemx son de ciengq souj go neix, singgo daiq miz gij feih siliengz,ciengq dwk ciengq dwk,de hix gaen daxmeh lae rae

5、mxda lo.Seizhaenx lij iq,de mbouj daiq rox gij cingzeiq soujgo neix.Gvaqlaeng majhung lo,nienz laux lo,de hix gag doeksaet,souj go neix,ca di dawz gij saedceij de gangjcaez lo;roxnaeuz dwg gij cawqbaenz gwndaenj ciuhvunz de,dwg mbouj rox mbouj nyinh daj souj go neix nyinh okdaeuj.Ndigah,souj go gaeu

6、qgeq neix lumj aen lengz hoij byairwz he,moixngoenz hwnqmbonq le,couh youq henzrwz de yiengj. De roi byom ndei le,youq baihlaeng gyaeuz baenz byumqbyom he.Gaenlaeng,youh“Dak”sing ndeu rag aen haigvan dienhdaeng baez he,ranzninz laep lo,dienhdaeng ranz dajcawj rongh lo.Song faj din hung de rag haiz,

7、byaijhaeuj ranzdajcawj.Swiq rek,dauz haeux,cuengq rim rek raemx ndeu,diemjfeiz ngauz souhGij sibgvenq bouxcuengh,couh dwg bi haeux fag maek baenz,banngoenz hix dwg ngauz rek souh hung he,gwn sam donq,banhaemh cij gwn haeuxam,ranz Mehlaux boux dog,vihmaz hix ngauz baenzrek ni?Aenvih miz mou ne!Daj gu

8、h daxbawx hwnj,gij hong ceiqcaeux moixngoenz de couh dwg ngauz souh.Ngoenzngoenz yienghneix soqlai mbouj noix gvaq.Gij gogut dak sauj haenx youq lajrek remj ndaej riu fofo,gij laezfeiz rongh saksak haenx ciuq daengz aen naj nyaeuqnywd Mehlaux.Fouq da monraz de bienq rongh lo,naemjngeix hix lumj laez

9、feiz vaiqvued,diuq yetyet hwnjdaeuj,de siengjhwnj le gienh saeh ciuhvunz ceiq angq haenxOkhaq. Vunz naeuz:Mehmbwk ceiq gyaeu cib bet bi.Mehlaux cib bet bi seiz,siengqyiengh de ndei gvaq dahsau caemh bi mbanj gyaeujvaiz,seiz haenx,ndaw ranz gungz ndaej cawx mbouj hwnj aen gingq ndeu,ngamq dingq vunz

10、naeuz de maj ndei yawj,dauqdaej baenzlawz ndei fap,soqlaiz mbouj sijsaeq yawj gvaq.Mehmoiz daeuj lo,hawj de gangj ranz gvan,mbouj gaen de naeuz,ngamq gaen bohmeh naeuz.Mehmoiz bae le,daxmeh cij daeuj lwnh de nyi, yaek dawz de “Gai”daengz mbanjgaeqgim bae.De ndaej naeuz gij maz (gijmaz)niq,sai hung a

11、eu yah,mbwk hung okhaq,haq gaeq gaen gaeq,haq ma gaen ma hani!Okhaq ngoenz haenx,gwnz gyaeuj de suek gaiq baengz hoengz ndeu,deng byuz hwnj giuzva ,itloh mboujmiz raemxda dwk daej ha daej ha,daej daengz mbanjgaeqgim,lumj duzgaeq suek gyaeuj nei,mbouj faen doeng sae namz baek,gaen bouxsai mbouj caeng

12、z raen naj ndeu baiq le diendeih,couh baenz gvanbaz lo.Aenvih bouxsai caeuq de baiq diendeih haenx mingz heuh Veiz Muzsanh,daj mwh haenx hwnj de miz le deuz mingzcoh mbouj suenq mingzcoh ndeu:Veiz Vangzsi.Ngoenz de ban haemh,mbaw gaen hoengz suek gyaeuj dengz vunz biengjhai,de laeglemx daiz hwnj bue

13、ngzda,oya!Daeg hauz xseng gig baenzmbauq ndeu ndwn youq doiqnaj coh de riu,riu ndaej de ndaw sim raemxvanz dengj mbouj duenh li! “Neix dwg gou mingh ndei,mehmbwn hawj gou daeggvan baenzneix heuh vunz gyaez.”De caeuq Muzsanh gvaq le sam ngoenz saedceij moq.Gyoengqde naj doiq naj youq ndaw gyoengq rie

14、p baengzdoj mieng naeuz:Daengz geq gyaeuj hau,aen sim mbouj bienq.Ciuq gij fungsug gaeuqgeq bouxcuengh,nangzbawxmoq youq ranz gvan gvaq liux sam ngoenz saedceij moq,couh aeu dauq ranzmeh.Gvaqlaeng couh youq ranzmeh youq,swhgeij haifwz ndaem faiq ndaem ndaij,daemj baengzdoj,conz ngaenzrei.Bungz bi gv

15、aq ciet,cijdaengz ranz gvan youq ngoenz song.Cig daengz baz miz lwgnyez,yaek senglwg lo,cij daengz ranzgvan gyaengndwen.Daj boux lwg daihit okseiq ngoenz haenx hwnj,nangzbawxmoq cij cingqsik suenq dwg bouxvunz ranzgvan.Veiz Vangzsi daj dauq ranzmeh le,cibfaen siengjniemh Muzsanh.De daengz gwnz ndoig

16、aeqgim hai benq reihfwz ndeu,ndaem faiq.Moiz ngoenz de gig angq dwk buet cibhaj leiz(leix) loh,daiq mbaij(cukdoengz) souh saw ndeu,daengz ndaw reihfaiq daeuj guhhong.Daj doekceh daengz gip faiq,baedauq geijlai baez,de geiq mbouj ndaej ,buet mbouj mbwq.Ndaw reihfaiq,yo dwk gij gyaez de caeuq Muzsanh.

17、Muzsanh ciengz daengz ndaw reihfaiq daeuj caeuq de doxraen,gaen de gip faiq,song boux mwngz amq gou amq ndoet sat mbaij(cukdoengz) souh saw haenx.Saedceij gvaq ndaej gig miz feihdauh,hoeng hix miz mbouj rim hoz.De maqmuengh vaiq raek hwnj lwgnyez,ndei buen daengz ranz Muzsanh bae.Hoeng,sou le song b

18、aez faiq,daemj le seiq bit baengzdoj, aen ndang de ya,lij dwg mbaeu fiegfieg,mboujmiz gij saeh haenx.Song bi gvaq bae ,de yinhnaeuz swhgeij ndaw mingh cawqbaenz mbouj miz lwg ciengxlaux baujdai lo,liuh mbouj daengz mwh ndaw reihfaiq doek ceh baez daih sam seiz,de couh onj wtwt dwk rox swhgeij “miz”l

19、o.De daengz ndaw reihfaiq gwnz ndoigaeqgim,caj Muzsanh daeuj doxraen,de yaek dawz gienh saeh angq neix lwnh de nyi.Hoeng geizgvaiq ya,ngoenz ndeu,song ngoenz,ndwen ndeu,song ndwen,mbouj raen naj Muzsanh.Heuh vunz bae dajdamq,naeuz bae gyae mbouj youq ranz lo.“Ndaek vunz neix sim doeg ha,bae gyae hix

20、 mbouj naeuz saek sing.Cingq dwg bindwen bing hoenx max luenh,mahau okngoenz daeq loh bae dah yougyangh baihhaenx hoenx hungzginh,mwngz mbouj lau,gou ngoenzngoenz venj dungx venj saej.Bungz daengz ndei rwix,lwgnyez caengz okseiq gvaqlaeng mboujmiz boh,lwggya(lwggyax) yahmaiq baenzlawz gvaq niq?”Moiz

21、 ngoenz,Veiz Vangzsi youq ndaw reihfaiq gwnz ndoigaeqgim daej haemz daej hoj,gag yienq gag gongz,moiz it go faiq gwnz de cungj sanq gvaq gij raemxda de.Sou baez faiq daih sam,de mbouj gip daeuj daemj baengz,couh buen daengz ranz Muzsanh daeuj youq roengzdaeuj. Muzsanh dwg boux lwg dog,ndawranz lij m

22、iz daxboh daxmeh.Song bouxlaux ciengz doiq lwgbawz ndaq daeglwg mbouj gingq mbouj hauq.Veiz Vangzsi fanjdauq gienq baeuqyah onjsim ciengx laux,de mbouj youq,miz de ni! De gyaengndwen lo,seng daeglwg sai ndeu,an coh Daegmuengh-muengh daxboh vaiq dauq ha.Daegmuengh rox gangj vah lo,ngamq rox heuh daxm

23、eh、daxgoeng、daxbux,mbouj ndaej heuh saek sing daxboh.Lwgnyez hojlienz.Daegmuengh hwnjhag doegsaw lo,diuz mingz bouxcawjranz denz mingzcoh daxgoeng.Veiz Vangzsi youh dang lwg youh guh bawx,gyaboih hauqgingq baeuqyah.Baeuqyah caeuq daengx mbanj cungj haenh de:Beij lwgmbwk caen seng lij ak!Baeuqyah gva

24、qseiq le,aen ranz neix caen hoj cengq ha!Saeh hung saeh iq,ndawndaw rogrog,lienz boux vunz doxyaeng he cungj mboujmiz.Mboujgvaq,de roxnyinh cungj miz ngoenz he Muzsanh rox sawqmwh dauq ranz.Geijlai mehmoiz daeuj gienq gvaq de “rag youzbingz”lingh haq ha!Hoeng de mbouj ndaej lumz gij vah de caeuq Muz

25、sanh mieng gvaq haenx.De itcig dawz maqmuengh geiq hawj ngoenzcog,cijaeu lij miz ngoenzcog,gij maqmuengh de couh mbouj rox mued bae.Caen dahraiz,miz ngoenz ndeu,ndaw mbanj daeuj boux guh sengeiq sou bwnbit ndeu,cam ndei dou ranz,laeglemx dawz fung saenq nyaeuq nyatnyat ndeu gyau hawj Veiz Vangzsi,da

26、egdangq daengq coenz ndeu:“Gaej hawj bouxwnq rox.”Gangj sat muengz foedfoed bae lo.Veiz Vangzsi mboujrox saw,gaemz dawz fung saenq ganj dauq ranzmeh,dawz saenq gyau hawj daxboh. Daxboh yawj geij coenz hai daeuz le,angq dwk daj ga haenh naeuz: “Lwg ndei,laxlawz Muzsanh dwg youq baihrog guh daihsaeh h

27、a!”Yawj roengz bae,goenggeq fatheiq hwnjdaeuj: “Hai!Neix mbouj baenz vah!”Veiz Vangzsi yawj ok miz gijmaz saeh mbouj bingzciengz,saeqsim cam daxboh: “De gangj gijmaz ni?”Daxboh vix coh saenq naeuz: “De youq neix sij naeuz,de youq baihrog guh gwzming,gangj mboujdingh miz saek ngoenz dai bae,engq gang

28、j mboujdingh seizlawz ndaej dauq ranz,heuh mwngz mbouj yungh caj de lo,ngamq ndei seizneix caengz miz lwgngez lingh ra ranzcawj ndeu.”Veiz Vangzsi gip dwk naeuz: “Mbouj mbouj ,daxboh！Mwngz vaiq hoiz baez saenq hawj de,couh naeuz Daegmuengh caet bi lo,aen naj cungj lumj de.lijmiz,de guh gwzming,gou c

29、aj de”Daxboh song fwngz baez aj: “Sij saenq geiq gvaq gizlawz bae?Hix mboujrox de youq dieg lawz!”Saenq dwg mboujmiz sij,hoeng aen sim de net lo.Boux gvan lij lix,cingq vih bouxhoj ceng reihnaz li.Couh dwg caj daengz geq bae,de hix aeu caj de.Caj a caj a,daj ngeihcib bi caj daengz samcib haj biBwd b

30、wd bwd,souh goenj lo,swi ndat dengj ok laj fa rek,vabop roenx ok bien rek.Veiz Vangzsi biengj hai fa rek,fwngz gaem roksiegfaex gaenz raez,youq ndaw rek souh goenj haenx veh dwk gien luenz ndau le haj hop.Yienzhouh,dawz buenq gaen mba haeuxyangz henj lumj gim haenx,baez gaem baez gaem vanq roengzbae

31、.Souh haeuxyangz bienq gwg lo,ndaw rek fan goenj gij bop henj rwgrwg.De dawz roksiegfaex gaenz raez veh dwk gien luenz ndau le haj baez.Caiq ndaengj yaep feiz he dem,yawj raen gij haeux naed caem youq daej rek haenx fouz hwnjdaeuj le,de youh yungh roksiegfaex gaenz raez veh gien luenz ndau le haj ba

32、ez.Ndaep feiz bae,rek souh couh ngauz ndaej lo.De moixngoenz cawj rek souh ndeu,itgungh yungh roksiegfaex youq ndaw rek veh cibhaj baez gien luenz,mbouj lai baez ndeu,mbouj noix baez ndeu.Vih gijmaz ni?De caj Moegbya caj le cib haj bi a!Cibhaj bi saedceij haenx,couhlumj souh haeuxyangz ityiengh,dwg

33、baenz ngoenz baenz ngoenz ngauz gvaqdaeuj!Ai!Caj haemz caj hoj cibhaj bi,bauqdap hawj de dwg mbaw sujbaq vuet raemxda ndeu-de danq gaemz heiq ndeu,naengh youq naj cauq,gaem diuz faex ndau feiz dawz gij daeuh yaek mon haenx ndau geij baez,aen doz heuh vunz siliengz haenx youh fouzyienh youq najda-Dae

34、gmuengh cibseiq bi bihaenx,gaijfang lo,mbwn bienq lo. Muzsanh wnggai miz di saenqyaem ya.Veiz Vangzsi ngoenzngoenz daengj rwz caj dwk.Caen dahraix,gvaq mbouj nanz vunz cienz naeuz Muzsanh youq ndaw Sengj dang le aen guen ndeu,beij yencangj lij hung ni!De baez dingq aen siusik neix,naemj saenq youh m

35、bouj gamj saenq.Ciep dwk, Muzsanh daeuj saenq lo,boux sou saenq dwg sij diuz coh daxgoeng.De nyaenj dwk fung saenq,Heuh Daegmuengh doeg.Daegmuengh gauhsiuj couh yaek bizyez lo,baez daihit raen daengz saenq caen bit daxboh,de lae raemxda doeg hawj daxmeh nyi,gwnz saenq cij cam daxgoeng daxbux,lijnaeu

36、z de mboengqneix yaek dauqranz yawj song boux geq.Daxgoeng daxbux gvaqseiq lo,Moegbya lij mbouj rox ni.Daegmuengh doeg sat baih neix,youh fan gvaq baih haenx,gvaiq ya,gwnz saenq mbouj miz saek cih sawz dwen daengz de caeuq doxmeh.Veiz Vangzsi ndaw sim gig moengzhoengj,de heuh daeglwg sikhaek hawj Mu

37、zsanh hoizsaenq,dawz gij saehcingz ndaw ranz cungj sij hwnjbae. De naengh youq bien daiz,yawj lwg sij,seiz mbouj seiz daezsingj daeglwg,yaek denz hwnj gijmaz.Saenq geiq okbae ngoenz haenx,de dawz duz gaeqhangh raizhenj haenx gag gyaeng haeuj ndaw roengq iq bae,yungh lauz gyauz haeuxyangz cug gueng d

38、uz de,caj Muzsanh dauqranz,daengx ranz sam boux doengzdaiz gwn donq haeux ndeu.Caj daengz duzgaeq hangh raizhenj deng gueng ndaej songga cengq mboujndaej aen ndang biz boemq roengzdaeuj le,lij mbouj raen Muzsanh dauqma.Miz ngoenz ndeu,rumz baek boengj fifi,Veiz Vangzsi cingq youq ndaw dah laegoz hum

39、h byaekmou.Daegmuengh gipgip muengzmuengz buet daeuj,liz gyaegyae couh heuh: “Daxmeh ,miz vunz daeuj lo!”“Bouxlawz ha?”“Boux vunz daenj buhhaj raez ndeu,dwg gihcangj gaen de daeuj!Mwngz vaiq dauq bae yawjyawj!”“Gangj mbouj dingh dwg daxboh mwngz!”Veiz Vangzsi angq vauvau dwk saet hwnj haenzdah,rap h

40、wnj doiq gei gaen lwg cohranz buet.Gij gosaez humh ndaej haenx sanqloenq gwnz roen,de hix goq mbouj hwnj bae gip lo. De gyaegyae couh yawj raen douranz bang vunz mbanj ndeu humx dwk mehmbwk gihcangj caeuq bouxvunz daenj buhhaj raez haenx gangjvah.De da ndeu couh nyinh ok bouxvunz daenj buhmaj raez h

41、aenx couh dwg Muzsanh de hwnznyoenz siengjniemh haenx!Byaij!Gyawj di,de yawj cing de biz lo,hoeng lumjnaeuz mbouj gaeuq haisim,gwnz buengzda giet miz nyapnyuk. Muzsanh yawj raen mehyah,cohde ngaekngaek gyaeuj.de mbouj gamj youq doiqnaj bouxmbanj caeuq de gangjvah,cijndei diemzdiemz dwk coh de riuriu

42、,guhmuengz hai douranz,heuh gyoengq vunz cungj haeuj rug bae.Hoeng,miz mbangj laeglemx byaij deuz;miz mbangj haeuj ranz,hix dwg doxdoengx geij coenz couh dauqbae lo,doeklaeng cij lw mehmbwk gihcangj.De cim coh doiq gvanbaz bieg nanz doxbungz neix ngaekngaek gyaeuj,hix byaij daengz gyanghongh,bouxnde

43、u byaij bae byaij dauq.“Mwngz dauqma la?”Veiz Vangzsi lumj ngamq raen Muzsanh nei,saeqsing dongx de.“Dauqma lo.” Muzsanh sim naek gywggywg dwk ngaekgyaeuj,cim coh Daegmuengh cam: “Neix dwg daeglwg? ”“Dwg ha!”Veiz Vangzsi muengz dawz Daegmuengh rag gvaqdaeuj,coh doiqnaj Muzsanh nyoengx bae: “Vaiq heu

44、h daxboh！Vaiqheuh ya!”Daegmuengh najnyaenq,ing coh daxmeh,yied nyoengx de yied doiq dauqlaeng,mboujgaemj heuh doxboh.Muzsanh daj ndaw daeh buhhaj mbon ok bau dangz ndeu,heuh Daegmuengh gwn.Veiz Vangzsi raen ndaw da Muzsanh raemxda baenqcienq. Veiz Vangzsi dinghdingh cim coh de,caen siengj sikhaek da

45、wz gij vah rom le cibhaj bi haenx,coemz he mbouj lwi dwk gangj baez imq.Hojsik daeglwg youq henz,de gaenq roxsoq lo,miz di saeh mboujndaej hawj de dingq daengz.A,caj daengz haemh caiq gangj ba,senq hawj Muzsanh caeuq daeglwg guhcaemz guhcaemz.De dawz gij gaetbuh Daegmueng daep ndei,mboengjmboengj ae

46、n mbaq de,naeuz: “Bak caen dumh(naek),heuh daxboh cungj mboujgamj,bae ba,hawj daxboh ndeindei yawj mwngz,gou bae goenj raemx gajgaeq.”De baenq ndang ngamq yaek haeuj ranz dajcawj, Muzsanh dawz de heuh dwk: “Mbouj muengz!Mwngz naenghroengz ba,gounaemj gaen mwngz doxyaeng”Raen Muzsanh gangjvah gaz nga

47、dngad,Veiz Vangzsi ngaez ngwdngwd fanndang dauqlaengz naengh aen daengqga bien ciengz. Muzsanh dawz mbaw sujbaq moq ndeu okdaeuj,mbouj gangjvah dwk ndenq hawj de.Seizhaenx ndawsim de dengj ok raq raemx gyoet ndeu,a ya,mbouj ndei,ndaw fwen ciengq naeuz “Raen naj senq hawj gaen,gienq nuengx gaeq sieng

48、 sim.”li! Muzsanh yaek aeu gangj naeuz gijmaz ni?Muzsanh ndwn dwk mbouj doengh,cibfaen sim cab dwk naeuz: “Meh Daegmuengh!Mwngz cibgeij bi neix,gvaq ndaej mbouj yungzheih!”Veiz Vangzsi ngoemq da roengzdaeuj naeuz: “Cengq haenz naih hoj ,cungjsuenq muenghdaengz mwngz dauqma lo.”“Bae seiz,mbouj gaen m

49、wngz doxyaeng,vut ce aen ranz ndeu,gaeuq mwngz hoj lo.Mwngz ciuq goq bohmeh,youhciengx Daegmuenghgij neix,gou daengxciuh mbouj rox lumz.” Muzsanh singyaem miz di hep,gangj ndaej gig dwgrengz.Veiz Vangzsi ngawzvaeng lo: “Gangj gijneix guh gijmaz ya?”Muzsanh laebdaeb gangj roengz bae: “Doeklaeng,gou h

50、euh vunz daiq daeuj fung saenq he hawj mwngz,mwngz,sou ndaej loba?” “Souh ndaej lo.Seizhaenx Daegmuengh rim caet bi lo!”“Gou laihnaeuz mwngz lijcaengz miz lwgnyez,lau nguh ciuh vunz mwngz,cij sij fung saenq haenx.Dwg caen,youq gij bindwen haenx,youq laj bakmid vunzdig guh gwzming,gangj mboujdingh ng

51、oenzlawz dai bae,gou seizseiz bwh ndei dawz sengmingh ienh okbae,ndigah,gou mbouj ndaej heuh mwngz caj gou”Veiz Vangzsi umqswngh dwk gvaiq de: “Mwngz boux vunz neix na,ngamq hawj mwngz vih vunz ndei,hix mbouj hawj bouxwnq hix vih mwngz ciemq di rongh.Nanzdauh gou loek loma?”“Mbouj mbouj,mwngz mbouj

52、miz loek!Hoengai,gou seizneix mbouj rox baenzlawz guh ndei!”Moegbya nanzgvaq dwk ngoemq gyaeuj roengzdaeuj. “Gijmaz saeh ni?”“Gou doiq mboujhwnj mwngz ya!”“Dauqdaej dwg gijmaz saeh?”De gip ndaej naengh mbouj onj lo,fwt ndwn hwnjdaeuj.“Gangj okdaeuj,mwngz gaej nanzgvaq”“Ai ya!Mwngz vaiq gangj ba！Yo g

53、yaeuj loq rieng,yawj mwngz mbouj dawz vunz gip dai ma!”De gip ndaej caen naemj daemh din.Muzsanh mbouj gamj yawj de,gag damz boebboeb naeuz: “Gou laihnaeuz mwngz ciep ndaej fung saenq haenx le,couh ciuq gwnz saenq sij haenx bae guh lo,Ndigah,gouyouh caeuq vunz baenz gya lo,hix miz lwgnyez lo”Muzsanh

54、 sing gig daemq,Veiz Vangzsi dauq lumj byaj bag dingjgyaeuj nei,fub laengx naengh youq gwnz daengq ga.Ndaw rug yaep seiz bienq ndaej gig caem.Veiz Vangzsi lwgda daengx ngaungau,sawqmwh bienq ndaej geq liux lo.De baksim gveuj in gveuj in,conghhoz deng gaz dwk,heuj ndaetndaet dwk haeb dawz mbaw sujbaq

55、 hau Muzsanh soengq hawj de haenx,caenhrengz nyaenx dwk mbouj daej ok sing daeuj.Daegmuengh hwk soengz lo,bau dangz ndaw fwngz doek daengz gwnz namh.Dangz sanq rim dieg.Moegbya ndawsim ig in,youh mbouj ndaej nai Veiz Vangzsi.Aenvih seizneix dieg neix,gijmaz nai daiq miz cingzngeih cung rox hawj de e

56、ngq simdot.Veiz Vangzsi fwt ndwn hwnjdaeuj buet haeuj rug bae,boemz youq gwnz mbonq,cuengq sing daej hwnjdaeuj.Daegmuengh hix daej dwk gaen haeuj bae.Dingq daengz singdaej mehlwg,Musanh yaemq din naek gywdgywd dwk byaij haeuj aen rug bi haenx guh rugmoq haenx.De sim goenj foenfoen dwk naengh youq bi

57、en congz,rag dawz fwngz Veiz Vangzsi.De caen siengj naeuz de aeu gaen de gvaq-hoeng,de doek laeng mbouj miz naeuz.Mehmbwk gihcangj byaij haeujdaeuj,mbouj dingz sing dwk nai Veiz Vangzsi.Caj de daej gvaq seiz le,mehmbwk gihcangj naeuz: “Beixnangz,mwngz gaej nanzgvaq,Muzsanh dungzci dauqma,dwg caeuq m

58、wngz doxyaeng a !Aenvih gij saeh gaxgonq cauxbaenz,Muzsanh dungzci youh gietvaen lo.Hoeng,mwngz caeuq de baenz gvanbaz youq gonq,caemhcaiq seizneix lij miz cingz miz eiq,mwngz miz gienz daez ok gij yiugouz mwngz,cwngfuj itdingh yawj naek gij gienzleih mwngz.Mwngz mingzbek gij eiqsei gou lwi?”Veiz Va

59、ngzsi simdot dwk naeuz : “Gihcangj,gou mingzbek.Caj de baenz lai bi,gou dwg vih gijmaz ya?Daegmuengh hab miz boux boh he a!Hoeng gyaeuj baih haenx baenzlawz guh?Dahnuengx haenx hix miz lwgnyez lo,gyoengqde youh baenzlawz gvaq ni?bouxlawz cungj mboujmiz loek,hoengaen caengh ndeu baenzlawz venj ndaej song aen daz ni?”Gihcangj cam: “Eiqsei mwngz dwg” “Gou nyinh bit soq fouz gyaeuj neix b