壮族民间故事《犽妍》.doc

Duz YahvaizDoenghbaez miz boux vunz he,aeu mehyah youq ndaw mbanj.Gvanbaz vunz guhgya, seng song boux lwg,dahcej he caeuq daegnuengx he.Doiq gvanzbaz neix dwg guh cangh buenq .Miz ngoenz he, gyoengqde okbae dajbuenq dajrih,couh doiq laeq lwgnyez hung de naeuz :“ Iq hwi,hauhnaeuz haemhneix laep lo,cungj mboujcaengz raen daxboh daxmeh maranz le,mwngz couh heuh yahdaiq daeuj caeuq sou ninz nw.”Daengq ndei le , gvanbaz vunz couh okdou bae lo. Daengz haemh #raizda lo ,cungj mboujcaengz raen bohmeh de dauqma,dahcej couh heuh yahdaiq daeuj caeuq youq gvaq haemh.dahcej de dwg vunzbaz ceq miz di lau laep he, mbouj gamj okdou bae gyae.Yienghneix couh youq bakdoumonz doq heuh :“ Yahdaiq ha, Yahdaiq!bohmeh gou mbouj miz saek boux youq ranz,mwngz daeuj buenx nuengx gou ninz vei!”Gij sing riengz rumz ci gvaq baih bya bae.Duz yahvaiz youq gwnz dingj bya dingqnyi dahcej de heuh,doq wngq naeuz: “W! Deq gou mou gaeb gaeq gaiq.”yiengh neix.dahcej umj daegnuengx de youq rogding deq yahdaiq daeuj. Daengz mbwn laep dingh lo ,duz yahvaiz couh byaij daeuj soebsoeb lo.dahcej yawj mbouj ok dwg duz yahvaiz .Raen yahdaiq daeuj daengz le ,couh aeu daengq hawj de naengh.Naeuz:“Naengh daengq ho, yahdaiq! ”Doq gangj doq nod aen daengq gvaqdaeuj.Yahvaiz gag rox de rieng raez ,mbouj ndaej naengh daengq,couh naeuz:“Aiya, gou vunzlaux hangx soem,mbouj ndaej naengh daengq law,naengh aen camjgaeq couh ndaej lo.”Yienghneix dahcej doq nod aen camjgaeq daeuj hawj Duz yahvaiz naengh roengz camjgaeq bae le,diuz rieng de youq ndaw de baet ndauzndauz,gij gaeq ndaw camj foengx oxox.dahcej doq cam naeuz:“Gijmaz youq ndaw caemjgaeq lo ,yahdaiq?”Duz yahvaiz doq naeuz:”Gaiq sauqbaet gou lo.”dahcej ceq naeuz:“Ranz laep saengxsaengx,#yiuq mbouj raen saek gaiq,deq gou diemj aen daeng gonq nw,yahdaiq.”Duz yahvaiz han naeuz:“Ei!Bouxlaux da raiz, yahdaiq da lwenq,gaej yungh diemj daeng lo, #yag gij youz bae.”Seiz haenx daegnuengx de dalaep lo,doq ninz youq gwnz gyaeujhoq dahcej.De roxnyinh naek lai caem lai, couh naeuz:“Yahdaiq ha, daegnuengx gaenq ninz dalaep lo,yaek haeuj rug bae ninz mboujcaengz ha!”yahvaiz naeuz:“ Ma(#ngah) ninz cix bae lu.hawj gou umj daegnuengx ninz ba.”Yienghneix le duz yahvaiz doq umj laeq lwgnyez #nwngq haeuj rug bae lo.“Aen mbonq youq goklawz ha?” Dahcej naeuz:“couh youq dangqnaj mwngz lo.” “Mwngz daz mbat he.” yiengh de daz mbat he couh daengz henz mbonq lo. Hwnj mbonq ninz lo,duz yahvaiz naeuz:”raeuz gak boux gak gyaeuj ninz,mwngz gag gyaeuj he, gou caeuq nuengx gag gyaeuj he.”Yiengh de raen dahcej dalaep, ninzndaek fwfw le,couh gwn daegnungx de lo.Yahvaiz caeuq daegnungx de caemhgyaeuj ninz,de gwn daegnungx de gaxgonq.yahvaiz caemh lau dahcej de mboujcaengz ninzcaem,hoeng de youh gag naeuz:“mbouj naih law,mbouj naih law.”Yienghneix le duz yahvaiz couh haeb gwn daegnuengx de,daiq ndok cungj gwn, geux satsat, Geux satsat bw!Gwn sat le, dahcej couh #roxsingj(roengznyinh) lo.De cam naeuz : “mwngz gwnz gijmaz lo, yahdaiq ? ”Duz yahvaiz han naeuz:“ E, lan ha, gwn duh ceuj logo.Ceq damzbyoedbyoed naeuz:“gwn duhceuj, geux ndok lan,gwn leux ceq gwn mwngz,gwn song fwngz gaxgonq” Dahcej cam naeuz: “Faen gou gwn lo vei.” Duz yahvaiz naeuz : “ Mbouj miz lo, liux lo.”Faj din dahcej dik deng aen gyaeuj daegnuengx de ,cam yahdaiqnaeuz:“aen neix aen maz lo ? ” Yahdaiq naeuz:“dwg aen makbug go,Yahdaiq dawz daeuj hawj daegnuengx guhcaemz lo.”dahcej ceq dik deng diuz saej daegnuengx de,cam naeuz :“ yahdaiq ha, baenz diuz neix dwg diuz gijmaz lo? ”“Dwg diuz sai bwnz nda aemq daegnuengx lo.” Gij lwed daegnuengx de cimq dwk faj mbinj mbaeq liux ,dahcej cam naeuz:“Yahdaiq , guhmaz mbaeq mbatmbat lo?” “O, dwg daegnuengx ok nyouh lo,deq yahdaiq aeu vaj demh ndei couh ndaej lo.”Mbatneix dahcej cix ninz da mbouj laep lo.Yaep ndeu , de ceq dingqnyi geux satsat ,geux satsat . dahcej ceq cam :“Cijnaeuz duh ceuj liux lu , yahdaiq! ” Duz yahvaiz naeuz:“Bouxlaux aekbuh fong, momo ceq dawz ceh.”De raen geizheih lo,caenh dingnyi duz de geux satsat mbouj dingz,Roxnyinh mbouj ndei saeh lo,de caenh dingq caenh ngvanh,cungj ninz mbouj ndaek lo.Deq duz yahvaiz geux satsat dingz le,mij raen gwn lo.Raen duz yahvaiz mij doengh lo baeg lo,dahcej couh aeu din baez vangh,mij raen daegnuengx de lo . Mbatneix roxnyinh mbouj ndei lo, roxdaengz daegnuengx ngaiz gwn lo,roxdaengz dwg duz yahvaiz mij dwg yahdaiq.Yienghneix de couh ngvanh guhlawz deuz okbae,couh gyajcang nyouh rad.couh naeuz :“ Yahdaiq ha, gou nyouh rad lo , yaek bae ok nyouh.”Yiengh le de couh dawz fag liemz,caeuq aen gyohhozloz he coux raemx le.couh benz hwnj gwnz bam bae.Duz yahvaiz gwn daegnuengx liuxseuq le,ceq siengj gwn dahcej liemj,couhHeuh naeuz:“ iq ha, mwngz youq gizlawz lo? ”“Gou youq gwnz bam nei. ”Duz yahvaiz siengj diemj feiz ra de,couh hwnj daeuj ra habfeiz yaek diemj daeng.diemj yaek dawz yaek ndaep,dahcej couh daj gwnz bam yaet di raemx roengz daeuj,guh dwk duz yahvaiz diemj feiz diemj mbouj dawz.Duz yahvaiz lij naemjnaeuz dwg duz meuz ok nyouh roengzdaeuj lo,vanzlij ndaq geij coenz,doq ndaq doq heuh de roengz daeuj,naeuz“ Iq ha, roengz daeuj lo, Iq.” Duz yahvaiz cungj siengj coemj gwn dahcej de liemj,couh cam naeuz,“ Mwngz guhlawz benz hwnj gwnz bam bae lo?”Dahcej naeuz:“Daj aenlae neix.Aeu caeghangx benz hwnjdaeuj gaxgonq.” Yienghneix duz yahvaiz couh aeu hangx benz hwnjbae.Benz yaek daengz gwnz le,dahcej doq dawz fag liemz mbak caeghangx duz yahvaiz,yahvaiz doq doek roengz lae bae lo.Gaenlaeng duz yahvaiz naeuz,“ Mwngz gvai lai lo! Mwngz gvai lai lo!Roxnaeuz ni gwn mwngz gaxgonq lo,menh gwn daegnuengx mwngz doeklaeng.”Duz yahvaiz yaek cimh gwndonq gaeuq cungj mbouj ndaej.Ndatheiq yaek dai, couh deuz bae #hoi(hai) dou.Duz yahvaiz baez #hoi dou :“ Yu, ranz gaenq rongh lo.” Duz de lauheiq vunz ndaw mbanj hwnq daeuj le nyangz dawz,couh deuz hwnj gwnz bya bae lo. Duz yahvaiz deuz le, dahcej daj gwnz bam roengz daeuj,doq gven dou ndaetndaet dwk,mbouj cinj saek boux haeuj daeuj.Daengz banhaemh le,bohmeh de ma daengz ranz lo,youq rog dou heuh naeuz :“Iq hwi, #hoi dou lu vei!#hoi dou lu vei! #Faenhgou ma ranz lo.”Dahcej dingqnyi gij sing daxboh, couh #hoi dou lo.Bohmeh haeuj ranz,dah lwgsau de raemxda roengz sagsag,daej dwk lwgda gawh liux. Gaenlaeng doq daej doq naeuz:“Haemhlwenz duz yahvaiz daeuj gwn daegnuengx lo.Daegnuengx ngaiz gwn lo.”Gvanbaz vunz caemhsimin daej yaek dai.Gaenlaeng gietsim itdingh yaek gaj dai duz yahvaiz haenx bae.Gvaq song ngoenz,gyoengqde youq bakdoumonz vat baenz aen gumz laux he,youq ndaw gumz caux feiz dwk rangj(cang),siengj hawj duz yahvaiz doek roengz gumz feiz deng coemh dai bae.Daengz gyanghaemh le, gij neix cungj guh bienh lo,ndaw gumz caux feiz dwk hoengz gywggywg lo.Mbwn #raizda ndaem lo, hawj dahcej caiq ok bakdoumonz bae heuh.De heuh dwk gok razraz bw!“Yahdaiq ha, Yahdaiq! Bohmeh gou mbouj youq ranz,caiq hawj mwngz daeuj buenx gou gvaq haemh he.”Duz yahvaiz doq han:“ W! deq yahdaiq gaeb mou gaeb gaeq haeuj rouz gonq gaiq.”Yienghneix couh doq byaij daeuj soebsoeb, daeuj soebsoeb.#Mwh yaek daeuj daengz, doumonz cix mbouj gven,bohmeh de rag faj dungh goemq gij feiz ndei le,doq