我的优秀教案-班禅大师光临草原

སློབ་ཚན་དགུ་པ།པཎ་ཆེན་རིན་པོ་ཆེ་རྩྭ་ཐང་དུ་ཕེབས་པ།དང་པོ།སློབ་ཁྲིད་དམིགས་ཡུལ།༡ཤེས་བྱ་དང་ནུས་རྩལ།སློབ་ཚན་ནང་གི་ཚིག་གསར་གྱི་དག་དོན་གསལ་ཤེས་ཐུབ་པའི་རྨང་གཞིའི་ཐོག་ཀུན་གཟིགས་པཎ་ཆེན་བཅུ་པ་མཆོག་གི་མཛད་འཕྲིན་ལ་རྒྱུས་མངའ་རགས་ཙམ་ཡོང་བ་བྱེད་པ་དང་།དེ་བས་ཁོང་གིས་བོད་ཀྱི་མི་དམངས་མང་ཚོགས་ཀྱི་བདེ་སྡུག་དང་བོད་སྐད་ཡིག་འཛིན་སྐྱོང་སྤེལ་གསུམ་ལ་ཐུགས་འགན་ཟབ་བཞེས་མཛད་པ་ཤེས་པ་བྱེད་དགོས།༢ཐབས་ཤེས་དང་བརྒྱུད་རིམ།སློབ་ཚན་ཡང་ཡང་གྱེར་ཀློག་བྱེད་དུ་བཅུག་སྟེ།ཐོག་མར་སློབ་མ་རང་ངོས་ནས་སློབ་ཚན་གྱི་བརྗོད་དོན་ལ་གོ་བ་རགས་ཙམ་ལོན་ཐུབ་པ་བྱེད་པ་དང་།དེ་རྗེས་དགེ་རྒན་གྱིས་སློབ་ཚན་གྱི་ཚིག་གནད་འགའ་ལ་འགྲེལ་པ་བྱས་ནས།སློབ་ཚན་གྱི་མི་སྣ་གཙོ་བོའི་ཐུན་མིན་གྱི་ཁྱད་ཆོས་འཛིན་ཐུབ་པ་བྱེད་དགོས།༣ཚོར་འདུ་དང་རིན་ཐང་ལྟ་བ།སློབ་ཚན་འདི་སློབ་སྦྱོང་བྱས་ནས་བོད་མི་རིགས་ཀྱི་མགོན་དུ་གྱུར་པའི་ཀུན་གཟིགས་བཅུ་པ་ཆེན་པོར་དད་ཞེན་གཙང་མ་འཕེལ་བ་བྱེད་པ་དང་།ཁོང་གི་བཀའ་སློབ་དང་ཐུགས་རྗེ་དྲི་མ་མེད་པ་ཉམས་སུ་མྱོང་ཐུབ་པ་བྱས་ནས།བོད་སྐད་ཡིག་སློབ་སྦྱོང་དང་དར་སྤེལ་གྱི་ཆེད་དུ་རང་ནུས་གང་ཡོད་འདོན་རྒྱུའི་ཆོད་སེམས་བརྟན་པོ་འཛུགས་ཐུབ་པ་བྱེད་དགོས།གཉིས་པ།སློབ་ཁྲིད་ཀྱི་དཀའ་གནད།ཀུན་གཟིགས་པཎ་ཆེན་གྱི་རླབས་ཆེན་དགོངས་པ་སྟེ།རང་རེའི་བླ་སྲོག་ཏུ་གྱུར་པའི་བོད་ཀྱི་སྐད་དང་ཡི་གེ་རྒྱུན་འཛིན་དར་སྤེལ་ལ་འབད་དགོས་པ་ཤེས་རྒྱུ།གསུམ་པ།སློབ་ཁྲིད་ཀྱི་གཙོ་གནད།སློབ་ཚན་གྱི་ཚིག་དོན་ཤེས་པའི་རྨང་གཞིའི་ཐོག་སློབ་ཚན་གྱི་སྙིང་དོན་ལ་གོ་བ་གང་ལེགས་ལོན་ཐུབ་པ་བྱས་ནས།རང་སྐད་ཡིག་ལ་དགའ་བའི་འདུ་ཤེས་སྐྱེད་སྲིང་བྱ་རྒྱུ།བཞི་པ།སློབ་ཁྲིད་གོང་གི་གྲ་སྒྲིག༡སློབ་ཁྲིད་ཡོ་ཆས།ཀུན་གཟིགས་བཅུ་པ་མཆོག་གི་འདྲ་པར་ཞིག་གྲ་སྒྲིག་བྱེད་རྒྱུ།༢ཀུན་གཟིགས་བཅུ་པ་མཆོག་གི་མཛད་རྗེས་མདོར་བསྡུས་དང་ཁོང་སྐུ་འཚོ་ཞུགས་སྐབས་ཀྱི་སྤྱི་ཚོགས་གནས་ཚུལ་ལ་ཤེས་རྟོགས་མདོར་བསྡུས་བྱ་རྒྱུ།པཎ་ཆེན་ཨིར་ཏི་ནི་སྐུ་ཕྲེང་བཅུ་པ་ཆོས་ཀྱི་རྒྱལ་མཆོག་ནི་རབ་བྱུང་དྲུག་པའི་ས་སྟག་（༡༩༣༨）ལོའི་ཟླ་བ་དང་པོའི་ཚེས་གསུམ་ཉིན་མཚོ་སྔོན་ཞིང་ཆེན་ཞུན་ཧྭ་རྫོང་ཁོངས་བིས་མདོ་ཤང་གི་ངོ་མཚར་ཞེས་་་་པའི་གྲོང་ཚོར།ས་སྐྱ་འཁོན་གྱི་རིགས་ལས་མཆེད་པའི་བིས་མདོ་དཔོན་ཚང་དུ།ཡབ་བིས་མདོ་སྟོང་དཔོན་གུར་མགོན་ཚེ་བརྟན་དང་།ཡུམ་བསོད་ནམས་སྒྲོལ་མ་གཉིས་ཀྱི་སྲས་སུ་འཁྲུངས།སྐུ་ན་ཆུང་དུས་ཀྱི་མཚན་ལ་མགོན་པོ་ཚེ་བརྟན་ཞུ་ཞིང་།ལྕགས་སྦྲུལ་（༡༩༤༡）ལོར་སྐུ་གོང་མའི་ཡང་སྲིད་དུ་ངོས་འཛིན་ཞུས།སྐྱབས་རྗེ་རྡོ་རྗེ་་་་་འཆང་བླ་འཁོ་འཇིགས་མེད་འཕྲིན་ལས་རྒྱ་མཚོ་རིན་པོ་ཆེ་མཆོག་ནས་རྗེ་བཙུན་བློ་བཟང་འཕྲིན་ལས་ལྷུན་གྲུབ་་ཆོས་ཀྱི་རྒྱལ་མཚན་དཔལ་བཟང་པོ་ཞེས་པའི་མཚན་གསོལ།གུང་ལོ་ཕྲ་བའི་དུས་ནས་ཡོངས་འཛིན་ཆེན་པོའི་སྐུ་དྲུང་ནས་གཞུང་ཆེན་བཀའ་པོད་ལྔས་མཚོན་དམ་ཆོས་ཀྱི་གཞུང་ལ་གསན་སྦྱངས་དང་ཉམས་བཞེས་ལེགས་པར་མཛད།རིམ་གྱིས་དགོན་སྡེ་ཉམས་གསོ་དང་ཆོས་ལུགས་ཀྱི་སློབ་གྲྭ་འཛུགས་པ།དད་ལྡན་ལ་དབང་བསྐུར་བ་་་་་་ཀྱི་མཛད་པ་དུ་མ་བསྐྱངས།༡༩༥༡ལོར་པེ་ཅིང་དུ་བོད་ཀྱི་ལས་དོན་སྐོར་གྱི་གྲོས་མཐུན་འཇོག་པར་ཕེབས།༡༩༥༦ལོའི་ཟླ་བཞི་པར་བོད་རང་སྐྱོངས་ལྗོངས་གྲ་སྒྲིག་ཨུ་ཡོན་ལྷན་ཁང་གི་ཀྲུའུ་རེན་གཞོན་པ་གནང་བ་དང་།༡༩༥༦ལོར་རྒྱལ་བ་ཡབ་སྲས་རྣམ་གཉིས་ཀྱིས་རྒྱ་གར་སྲིད་གཞུང་ནས་གདན་ཞུས་ལྟར་རྒྱ་གར་དུ་སངས་རྒྱས་་་་མྱ་ངན་ལས་འདས་ནས་ལོ་༢༥༠༠འཁོར་བའི་མཛད་སྒོ་ཆེན་མོར་ཞུགས།རྒྱ་གར་དུ་དཔལ་ཝ་ར་ན་སི་ནས་་་་་་་མཚན་འཛིན་ནང་བསྟན་པཎཌི་ཏའི་མཚན་གནས་ཕུལ་བ་བཞེས།༡༩༦༡ལོར་ཀུན་གཟིགས་མཆོག་པེ་ཅིང་དུ་་་་རྒྱལ་སྟོན་མཛད་སྐོར་ཕེབས་སྐབས་མཚོ་སྔོན་སོགས་ལ་ལས་དོན་གཟིགས་ཞིབ་ལ་ཕེབས་པ་དང་།བོད་ཀྱི་ས་ཆ་དེ་དག་དང་བོད་ལྗོངས་ཀྱི་ས་ཆའི་གནས་ཚུལ་སོགས་དགོངས་པ་ནན་བཞེས་གནང་བ་བརྒྱུད།༡༩༦༢ལོའི་ཟླ་་་་བ་ལྔ་པར་པེ་ཅིན་དུ་རྒྱལ་སྲིད་སྤྱི་ཁྱབ་ཁང་ལ《བོད་ཀྱི་སྤྱི་དང་བྱེ་བྲག་གི་གནས་ཚུལ་དང་དེ་བཞིན་བོད་ཀྱིས་གཙོས་པའི་བོད་རིགས་ས་ཁུལ་གྱི་བདེ་སྡུག་དང་སླད་ཕྱིན་གྱི་རེ་སྒུག་དང་དེ་འདུན་གྱི་སྙན་ཞུ》（ཕྱིས་སུ་འདིར《ཡིག་འབྲུ་ཁྲི་བདུན་གྱི་གོང་འབུལ་ཡི་གེ》ཞེས་སོ）ཞེས་པ་མཚན་བྱང་དུ་གནང་བའི་ཕྱག་བྲིས་ཕུལ་་བ་དང་།སྙན་ཞུའི་ནང་གོ་རིམ་ལྡན་པ་དང་སྦ་གསང་མེད་པའི་སྒོ་ནས་བོད་ལྗོངས་དང་བོད་རིགས་ས་ཁུལ་་་་་་གཞན་དག་གི་ལས་དོན་སྐོར་ལ་སྐྱོན་བརྗོད་དང་གྲོས་འགོ་བཏོན་གནང་མཛད།འོན་ཀྱང་དེ་རྗེས་རིག་གསར་་་་རྗེའི་རྐྱེན་སོགས་ལས་ལོ་དགུ་བཙོན་ལ་ཞུགས་དགོས་བྱུང་།༡༩༧༨ལོ་ནས་ཀུན་གཟིགས་ཆེན་པོར་ཁ་བ་རི་པའི་་དབུ་ཁྲིད་ཀྱི་གོ་གནས་སླར་གསོ་བྱུང་བ་དང་།བོད་རིགས་མི་དམངས་བདེ་སྡུག་ཐུགས་ལ་དགོངས་ནས་བོད་ཀྱི་་ས་ཆ་མང་པོར་གཟིགས་ཞིབ་ལ་ཕེབས་པ་དང་།ཆོས་དང་རིག་གནས།དཔལ་འབྱོར་འཕེལ་རྒྱས་ལ་བཀའ་་སློབ་དུ་མ་གནང་བ་དང་།ལྷག་པར་དུ་བོད་ཀྱི་ཐུན་མིན་རིག་གནས་འཛིན་སྐྱོང་སྤེལ་གསུམ་སླད་སྐུ་ལས་ཆེན་་་བསྐྱོན་གནང་།དེ་ཡང་སྐུ་ཉིད་ནས་༡མི་རིགས་ས་ཁོངས་རང་སྐྱོང་གི་བཅའ་ཁྲིམས་ལག་བསྟར་དོན་འཁྱོལ་ལ་སྐུ་ལས་ཆེན་པོ་བསྐྱོན་པ་དང་།མི་རིགས་ནང་ཁུལ་མཐུན་སྒྲིལ་བྱེད་དགོས་པའི་བཀའ་སློབ་ནན་ནན་དུ་མཛད།༢བོད་ཀྱི་དཔལ་འབྱོར་འཕེལ་སླད་ཁོང་དང་ང་ཕོད་རྣམ་གཉིས་ནས་༡༩༨༦ལོའི་ཟླ་བཞི་པའི་ཚེས་བཅོ་ལྔ་ཉིན་བོད་དར་རྒྱས་རོགས་སྐྱོར་ཐེབས་རྩ་ལྷན་ཚོགས་བཙུགས་གནང་།༣བོད་སྐད་ཡིག་སློབ་སྦྱོང་དང་བེད་སྤྱོད།གོང་སྤེལ་ལ་ཐུགས་སྣང་ཆེན་པོ་མཛད་དེ།༡༩༨༧ལོར་ཁོང་དང་ཨུ་ཡོན་ཀྲང་ང་ཕོད་རྣམ་གཉིས་ཀྱིས་ཆབས་གཅིག་ཏུ་གྲོས་འགོ་བཏོན་ནས་བོད་རང་སྐྱོང་ལྗོངས་ཐུས་ཚོགས་སུ་《བོད་ཀྱི་སྐད་ཡིག་སློབ་སྦྱོང་།བེད་སྤྱོད།གོང་འཕེལ་བཅས་གཏོང་རྒྱུའི་སྐོར་གྱི་གཏན་འབེབས་འགའ་ཞིག》ཅེས་པར་གྲོས་འཆམ་བྱུང་བ།༤སངས་རྒྱས་བསྟན་པ་རིང་དུ་གནས་པ་དང་གྲྭ་བཙུན་ཁེ་དབང་སོགས་ཀྱི་སླད་ཆོས་དད་རང་མོས་ཀྱི་སྲིད་ཇུས་དོན་འཁྱོལ་་་སྐུ་ལས་ཆེན་པོ་བསྐྱོན་པ་དང་།སྐུ་ངོ་མས་པེ་ཅིན་དུ་ཀྲུང་གོའི་བོད་བརྒྱུད་ནང་བསྟན་བཙུགས་གནང་བ་དང་་་་དབུ་འཛིན་ཡང་གནང་།༥ཁོང་གི་གསུང་རྩོམ་ལ་《སྐྱེས་བུ་གསུམ་གྱི་ལམ་གྱི་རིམ་པའི་འགྲེལ་པ》དང་《སྐྱེ་རྡོར་ལྷན་སྐྱེས་ཀྱི་ཆོ་ག་གསུམ་བསྐྱེད》ཅེས་པ་སོགས་ཡོད།མདོར་ན།ཁོང་གི་སྐུ་ཚེ་གང་པོ་ནི་རྒྱལ་་་་བའི་བསྟན་པ་དང་བོད་མི་རིགས་ཀྱི་བདེ་སྡུག་སླད་དུ་འབུལ་གནང་བ་དང་།ལྷག་པར་དུ་བོད་ཀྱི་སྐད་ཡིག་་་་་་འཛིན་སྐྱོང་སྤེལ་གསུམ་ཆེད་དུ་བོད་སྐད་ཡིག་གི་ལམ་ནས་སློབ་གསོ་སློབ་ཁྲིད་བྱེད་པའི་རྣམ་པ་གསར་པ་གཏོད་གནང་བ་སོགས་པའི་བསམ་གྱིས་མི་ཁྱབ་པའི་མཛད་པ་ཆེན་པོ་ནི་རགས་པ་ཙམ་ལས་འུ་ཅག་ཚོས་ཇི་མར་་་་་་་བརྗོད་ག་ལ་ནུས།མཐར།༡༩༨༩ལོའི་སྤྱི་ཟླ་དང་པོའི་ཚེས་༢༨ཉིན་གཞིས་རྩེ་གྲོང་ཁྱེར་གྱི་བདེ་ཆེན་སྐལ་བཟང་་་ཕོ་བྲང་གི་གཟིམ་ཆུང་བཤད་སྒྲུབ་འཕེལ་རྒྱས་གླིང་དུ་དགོངས་པ་གཞན་དོན་དུ་གཤེགས།སྐུ་གཤེགས་སྐབས་་་་་་དགུང་ལོ་༥༡ལ་ཕེབས་ཡོད།པཎ་ཆེན་སྐུ་ཕྲེང་རིམ་བྱོན་གྱི་རེའུ་མིགསྐུ་ཕྲེང་།མཚན།འཁྲུངས་ས།འཁྲུངས་འདས་ལོ་ཚིགས།དང་པོ།མཁས་གྲུབ་དགེ་ལེགས་དཔལ་བཟང་།གཙང་ལ་སྟོད་ཆུ་འོགཤིང་གླང་༡༣༨༥ས་རྟ་༡༤༣༨གཉིས་པ།བསོད་ནམས་ཕྱོགས་གླང་།གཙང་དབེན་ས།ས་ལུག༡༤༣༩ཤིང་བྱི་༡༥༠༤གསུམ་པ།དབེན་ས་བློ་བཟང་དོན་གྲུབ།གཙང་གཡས་རུ་ལྷ་ཕུད།ཤིང་གླང་༡༥༠༥མེ་སྟག༡༥༦༦བཞི་པ།བློ་བཟང་ཆོས་རྒྱན།གཙང་རོང་ཆེན།ལྕགས་རྟ༡༥༧༠ཆུ་སྟག༡༦༦༢ལྔ་པ།བློ་བཟང་ཡེ་ཤེས།གཙང་ཐོབ་རྒྱལ།ཆུ་ཡོས་༡༦༦༣མེ་སྦྲུལ་༡༧༣༧དྲུག་པ།བློ་བཟང་དཔལ་ལྡན་ཡེ་ཤེས།ཤངས་ལྷ་ཕུད།ས་རྟ་༡༧༣༨ལྕགས་བྱི་༡༧༨༠བདུན་པ།བློ་བཟང་བསྟན་པའི་ཉི་མ།པ་སྣམ་སྐྱིད་གཤོང་།ལྕགས་གླང་༡༧༨༡ཤིང་སྟག་༡༨༥༤བརྒྱད་པ།བློ་བཟང་བསྟན་པའི་དབང་ཕྱུགཐོབ་རྒྱལ་སྦྲུལ་ཚང་།ཤིང་སྟག༡༨༥༤ཆུ་རྟ༡༨༨༢དགུ་པ།བློ་བཟང་ཐུབ་བསྟན་ཆོས་ཀྱི་ཉི་མ།དྭགས་པོ་ཀྭ་ཤ།ཆུ་ལུག༡༨༨༣མེ་གླང་༡༩༣༧བཅུ་པ།འཕྲིན་ལས་ལྷུན་གྲུབ་ཆོས་ཀྱི་རྒྱལ་ཐམཚན།མཚོ་སྔོན་བིས་མདོ།ས་སྟག༡༩༣༨ས་སྦྲུལ་༡༩༨༩ལྔ་པ།སློབ་ཁྲིད་ཀྱི་མྱུར་ཚད།ཚོགས་ཐུན་གཉིས།དྲུག་པ།སློབ་ཁྲིད་ཀྱི་བརྒྱུད་རིམ།ཚོགས་ཐུན་དང་པོ།༡བསྐྱར་སྦྱོང་།བསླབ་གཞིའི་ཤོག་གྲངས་༤༢ནང་གི་དག་ཡིག་དང་འབྲེལ་ནས།སྙོན།གདམས།དྲས།ལྦ།བསང་།གྲལ།སྦ།རྙིད་བཅས་ལ་ཚིག་གྲོགས་རེ་སྦྱོར་ཐུབ་པ་བྱེད་དགོས།༢གསར་འདྲེན།སློབ་ཚན་གྱི་ཁ་བྱང་དང་འབྲེལ་ནས།ཀུན་གཟིགས་པཎ་ཆེན་བཅུ་པ་མཆོག་གི་འདྲ་པར་བསྟན་པ་དང་ཆབས་ཅིག་མཛད་རྣམ་རགས་པ་གླེང་རྒྱུ།༣གསར་ཁྲིད།（༡）དགེ་རྒན་གྱིས་ཉམས་འགྱུར་ལྡན་པའི་སྒོ་ནས་སློབ་ཚན་དཔེ་སྟོན་ཀློག་འདོན་བྱེད་པ་དང་།དོ་སྣང་བྱེད་དགོས་རིགས་ལ་ནན་བཤད་བྱེད་དགོས།དེ་རྗེས་སློབ་མ་མཉམ་དུ་གྱེར་ཀློག་ཐེངས་ཤིག་བྱེད་དུ་བཅུག་སྟེ།ཀློག་སྟངས་མ་དག་པའི་རིགས་ལ་སླར་ནན་བཤད་བྱེད་དགོས།（༢）དགེ་རྒན་གྱིས་དལ་མོར་སློབ་ཚན་གྱེར་ཀློག་བྱེད་པ་དང་།དུས་མཚུངས་སློབ་ཚན་ནང་གི་འགག་གནད་དམ་དཀའ་གནད་ཀྱི་ཚིག་འགའི་ས་ལ་ཀློག་མཚམས་བཞག་སྟེ།རྟགས་འགོད་དུ་བཅུག་ནས་དོན་འགྲེལ་བྱེད་རྒྱུ།（འདི་ལས་དཀའ་ཁག་ཆེ་བ་དང་གནད་ཆེ་བ་འགའ་ནག་པང་དུ་བྲི་རྒྱུ།）པཎ་ཆེན་ཨེར་ཏེ་ནི།—པཎ་ནི་པཎཌི་ཏའི་དོན་དང་ཨེར་ཏེ་ནི་སོག་སྐད་ཡིན་ཞིང་།བོད་སྐད་དུ་རིན་པོ་ཆེ་ཞེས་སོ།དེ་ཡང་མན་ཇུའི་གོང་མ་བདེ་སྐྱིད་རྒྱལ་པོས་པཎ་ཆེན་སྐུ་ཕྲེང་ལྔ་པ་བློ་བཟང་ཡེ་ཤེས་ལ་མཚན་དེ་ལྟར་གནང་བ་ནས་རིམ་གྱིས་ཕྱིས་ཀྱི་སྐུ་ཕྲེང་རིམ་བྱོན་ལ་ཐོགས་པའོ།ཕྱག་དབང་།—བླ་མ་དང་སྐྱེས་ཆེན་གྱི་ཕྱག་མཇལ་མཁན་གྱི་དབུ་ལ་བཞག་ནས་བྱིན་རླབས་གནང་སྟངས་ཤིགལྗགས་མདུད།—རས་དར་ཚོན་སྐུད་སོགས་ཀྱི་དབུས་སུ་རྡོ་རྗེའི་མདུད་པ་བྱས་ནས་སྔགས་བཏབ་པའི་སྲུང་མདུདགོ་འཇོ།—བོད་རང་སྐྱོང་ལྗོངས་ཀྱི་ཆབ་མདོ་ས་ཁུལ་ཁོངས་སུ་གཏོགས་པའི་རྫོང་ཞིག་གི་མིང་།ཁྲི་ཕྲག—གྲངས་གནས་ཁྲི་ཡན་ནམ་ཁྲི་ནས་འབུམ་བར་ངེས་མེད་བསྟན་པ་ཡིན།སྐུ་ངལ།—དཀའ་ངལ་གྱི་ཞེ་ས།ཆབས་ཅིག—ལྷན་ཅིག་གམ་མཉམ་ཅིག་སྟེ།མཉམ་དུ་ཡི་དོན།ན་བཟའ།—གོས་ཀྱི་ཞེ་ས།ཕྱག་བརྡ།—ལག་བརྡ་ཡི་ཞེ་ས།ལག་པ་འགུལ་ནས་དོན་གོ་བར་བྱེད་པར་ཟེར།སྐུ་དྲུང་།—སྐྱེ་བོ་གང་རུང་གི་འགྲམ་དུ་ཡི་ཞེ་ས།འཆད་སྟེགས།—གཏམ་ཤོད་སའི་སྟེགས་བུ།བཀའ་སློབ།—བསླབ་བྱའམ་སློབ་གསོའི་ཞེ་ས།བླ་ན་མེད་པ།—གོང་ན་མེད་པ་སྟེ།སྐྱེ་བོ་སོགས་ཁྱད་འཕགས་ཀྱི་དོན།དུས་གཏན་དུ།—དུས་ནམ་ཡང་།བློ་ལ་བཅངས།—སེམས་ལ་ངེས།རྔམ་ཟིལ།—གཟི་བརྗིད་ཀྱི་ཉམས་དང་ལྡན་པ།མནབས།—གོས་སོགས་གྱོན་པའི་ཞེ་ས།མཆི་མ།—མིག་ཆུའི་མིང་།ལང་ཚོ།—མིའི་ན་ཚོད་ཀྱི་མིང་སྟེ།ན་ཚོད་གཞོན་དུས་ལ་གོ（༣）སློབ་མར་སློབ་ཚན་གྱི་རང་གྲུབ་དུམ་ཇི་ཡོད་དང་།ནང་དོན་ཁག་ཆེ་བ་ཅི་ཙམ་ལས་གྲུབ་མིན་བསམ་གཞིག་བྱེད་དུ་འཇུག་རྒྱུ་དང་དགེ་རྒན་ནས་ནང་དོན་ཁག་སོ་སོའི་བརྗོད་དོན་རགས་བཤད་བྱ་རྒྱུ།སློབ་ཚན་འདི་རང་གྲུབ་དུམ་མཚམས་དྲུག་ལས་གྲུབ་པ་དང་།དེ་དག་ནང་དོན་གི་གོ་རིམ་ལྟར་དོན་ཁག་བཞི་རུ་དབྱེ་འོས།རང་གྲུབ་དུམ་མཚམས་དང་པོ་དེ་ནང་དོན་ཁག་དང་པོ།ཀུན་གཟིགས་པཎ་ཆེན་རིན་པོ་ཆེ་མཆོག་ནམ་ཡང་བརྗེད་ཐབས་མེད་པ་ཞིག་ཡིན་པའི་སློབ་ཚན་གྱི་བརྗོད་བྱ་འདྲེན་པར་བྱས་ཡོད།རང་གྲུབ་དུམ་མཚམས་གཉིས་པ་དང་གསུམ་པ།བཞི་པ་བཅས་ནང་དོན་ཁག་གཉིས་པ།བརྒྱུད་རིམ་ལྡན་པའི་སྒོ་ནས་པཎ་ཆེན་རིན་པོ་ཆེ་རྩྭ་ཐང་དུ་ཕེབས་རྒྱུ་ཡིན་པ་གོ་བ་དང་།དངོས་སུ་ཕེབས་པ།མང་ཚོགས་དང་མཇལ་ཁ་གནང་བ།ཞིང་འབྲོག་ལས་འཕེལ་ཕྱིར་གལ་ཆེའི་མཛུབ་སྟོན་གནང་བའི་སྐོར་བྲིས་ཡོད།རང་གྲུབ་དུམ་མཚམས་ལྔ་པ་ནང་དོན་ཁག་གསུམ་པ།རིན་པོ་ཆེས་སློབ་གྲྭར་གཟིགས་སྐོར་དུ་ཕེབས་ནས་ན་ཆུང་སློབ་མ་ཚོར་རང་གི་སྐད་དང་ཡི་གེར་བརྩོན་ཆེར་བསྐྱེད་བྱེད་དགོས་པ་སོགས་ཀྱི་བཀའ་སློབ་གནང་བའི་སྐོར་བྲིས་ཡོད།རང་གྲུབ་དུམ་མཚམས་དྲུག་པ་ནང་དོན་ཁག་བཞི་པ།རྩོམ་པ་པོའི་ཡིད་ཀྱི་བསམ་ཚུལ་གཙོ་བོར་བརྗོད་པ་སྟེ།རྩོམ་པ་པོས་རིན་པོ་ཆེའི་བཀའ་སློབ་ཡིད་ལ་བརྟན་པོར་ངེས་པ་དང་།ཕ་ཡུལ་འཛུགས་སྐྲུན་སླད་ནུས་པ་ཆེར་འདོན་གྱི་སྙིང་སྟོབས་མཚོན་པར་བྱས་ཡོད།༤སྦྱོང་གཞི།（༡）སློབ་ཚན་གྱེར་ཀློག་ཐེངས་གསུམ་བྱས་ནས་སློབ་ཚན་གྱི་ནང་དོན་ལ་གོ་བ་གང་ནུས་ལེན་དགོས།（༢）སློབ་ཚན་རྒྱབ་ཀྱི་དྲི་བ་དང་པོར་རང་གི་བློ་གྲོས་ལ་བརྟེན་ནས་ལན་བཏབ་ནས་ཁྱིམ་སྦྱོང་ཐོག་འབྲི་དགོས་པ་དང་།སློབ་ཚན་མཇུག་གི་ཚིག་གསར་གྱི་དག་དོན་རྣམས་ངེས་རྗེས་དཔོད་བྲིས་གཏོང་དགོས།ཚོགས་ཐུན་གཉིས་པ།༡བསྐྱར་སྦྱོང་།（༡）གཤམ་གྱི་མིང་ཚིག་གི་དག་དོན་ཤོད་རྒྱུ།པཎ་ཆེན།ཕྱག་དབང་།ལྗགས་མདུད།སྐུ་ངལ།ཆབས་ཅིགན་བཟའ།ཕྱག་བརྡ།སྐུ་དྲུང་།འཆད་སྟེགས།བཀའ་སློབ།བླ་ན་མེད་པ།དུས་གཏན་དུ།བློ་ལ་བཅངས།རྔམ་ཟིལ།མནབས།མཆི་མ།（༢）སློབ་མ་མཉམ་དུ་སློབ་ཚན་གྱེར་ཀློག་ཐེངས་ཤིག་བྱེད་དུ་བཅུག་ནས་སློབ་མའི་ཀློག་འདོན་གྱི་ནུས་བརྟག་རྒྱུ།༢གསར་ཁྲིད།（༡）དྲི་བ་དྲིས་ལན་གྱི་རྣམ་པའི་ཐོག་ནས་སློབ་ཚན་གྱི་ནང་དོན་ལ་བསྐྱར་དུ་བསམ་གཞིག་བྱེད་རྒྱུ་དང་།སློབ་ཚན་གྱི་ནང་དོན་ལ་གོ་བ་གཏིང་ཚུགས་པ་ལོན་ཐུབ་པ་བྱ་རྒྱུ།ཀ།རྩོམ་པ་པོས་སེམས་ནང་བརྗེད་ཐབས་མེད་པ་ནི་པཎ་ཆེན་རྩྭ་ཐང་དུ་ཕེབས་པ་ཡིན་ཟེར་དོན་གང་ཡིན།ལན།དེ་ནི་སློབ་ཚན་གྱི་ནང་དོན་འདྲེན་པ་དང་ནང་དོན་འདི་འདྲ་ཞིག་འབྲི་བའི་དགོས་པ་རགས་རིམ་བསྟན་པ་ཡིན།ཁ།ཀུན་གཟིགས་བཅུ་པ་ཆེན་པོ་ག་དུས་ས་ཆ་གང་དུ་ཕེབས་པ་བྲིས་འདུགལན།༡༩༨༧ལོའི་སྟོན་ཁར་ཆབ་མདོ་གོ་འཇོ་རྫོང་དུ་ཕེབས་པ་བྲིས་འདུགགཔཎ་ཆེན་རྩྭ་ཐང་དུ་ཕེབས་ལ་ཉེ་བའི་དུས་གོ་འཇོ་རྫོང་གི་མི་རྣམས་ཀྱིས་ཅི་འདྲ་བྱེད་ཀྱི་འདུགལན།རྒན་སྐྱོར་བྱིས་ཁྲིད་ཀྱིས་ལ་རྒལ་ལུང་རྒལ་བྱས་ནས་རྫོང་ཁུལ་དུ་འཛོམས།ང་།པཎ་ཆེན་དངོས་སུ་རྩྭ་ཐང་དུ་ཕེབས་ཉིན་ག་དུས་ཡིན་ནམ།ལན།༡༩༨༧ལོའི་ཟླ་༩པའི་ཚེས་༧ཉིན་གྱི་སྔ་དྲོར་ཡིན།ཅ།པཎ་ཆེན་རྩྭ་ཐང་ནས་མཇལ་བའི་དུས་སུ་རྩོམ་པ་པོ་ལོ་ག་ཚོད་ཙམ་ཡིན།ལན།གཟུགས་པོ་ཆུང་བའི་སློབ་ཆུང་སློབ་མ་ཞིག་ཡིན།ཆ།ཀུན་གཟིགས་པཎ་ཆེན་མཇལ་བའི་དད་ལྡན་མང་ཚོགས་ཀྱིས་ཕྱག་འབུལ་བ་དང་།མིག་ལ་མཆི་ཞགས་འཁོར་དོན་གང་ཡིན་ནམ།ལན།དེ་ནི་ཁོང་རྣམས་རིན་པོ་ཆེར་སེམས་གཏིང་ནས་དད་པ་གཙང་མ་ཡོད་པ་དང་།རིན་པོ་ཆེ་མཇལ་བའི་དགའ་བས་མིག་མཆི་མ་འཁོར་བ་རེད།ཇ།ཉི་འོད་རྣམ་པར་བཀྲ་བའི་ནམ་མཁའ་དེ་རྩོམ་པ་པོས་དཔེ་གང་ལ་བཞག་ཡོད།ལན།མཐའ་ཡས་རྒྱ་མཚོ་ནམ་མཁར་སྤོས་པར་དཔེ་བཞག་འདུགཉ།རིན་པོ་ཆེས་མང་ཚོགས་ལ་མཇལ་ཁ་གནང་སྐབས་གཙོ་བོ་གང་གནང་གི་འདུག་གམ།ལན།ཕྱག་དབང་དང་ལྗགས་མདུད་གནང་གི་འདུགཏ།རིན་པོ་ཆེས་མང་ཚོགས་ལ་མཇལ་ཁ་གནང་གྲུབ་རྗེས་གང་གི་སྐོར་ལ་གཏམ་བཤད་གནང་འདུགལན།ཞིང་ལས་དང་འབྲོག་ལས་འཕེལ་རྒྱས་སྐོར་ལ་བཀའ་སློབ་མཛུབ་སྟོན་གནང་འདུགཐ།ཉིན་དེའི་་ཕྱི་དྲོ་རིན་པོ་ཆེ་གང་དུ་ཕེབས་པ་དང་།བཀའ་སློབ་གཙོ་བོ་གང་གནང་འདུག་གམ།ལན།རིན་པོ་ཆེ་རྩོམ་པ་པོས་སློབ་སྦྱོང་གནང་སའི་སློབ་གྲྭའི་ནང་དུ་གཟིགས་ཞིབ་ལ་ཕེབས་འདུག་ཅིང་།དེ་ཡང་གཙོ་བོ་བོད་གསར་འཛུགས་སྐྲུན་གྱི་སླད་དུ་ཤེས་བྱ་རིག་གནས་སྦྱོང་དགོས་པ་དང་།དེ་བས་ན་ཆུང་སློབ་མ་རྣམས་ཀྱིས་མ་འོངས་པའི་ནང་བོད་ཀྱི་མི་དམངས་ལ་ཞབས་འདེགས་ཞུ་ཐུབ་ཕྱིར་རང་སྐད་ཡིག་སྟེ།བོད་ཡིག་ལེགས་པར་སྦྱོང་དགོས་པའི་སྐོར་ལ་བཀའ་སློབ་གནང་འདུགད།རྩོམ་པ་པོས་རིན་པོ་ཆེས་གཏམ་བཤད་གནང་དུས་ཟིལ་རྔམ་ཆེ་ཞིང་།ཞལ་རས་ནི་བྱམས་བརྩེ་ལྡན་པ་ཞིག་རེད་ཟེར་དོན་གང་ཡིན།ལན།སྐབས་དེ་དུས་རྩོམ་པ་པོ་ན་ཚོད་ཕྲ་ཡང་།རིན་པོ་ཆེ་བཀའ་སློབ་མ་མོས་གུས་ཟབ་མོ་བྱུང་བའི་རྐྱེན་གྱིས་ཡིན།ན།རྩོམ་པ་པོ་ག་དུས་ནང་སའི་འཛིན་གྲྭ་གང་ལ་རྒྱུགས་འཕྲོད་འདུགལན།༡༩༨༩ལོར་ཧུའུ་པེ་ཧྲ་ཧྲེ་གྲོང་དུ་ཡིན།པ།རྩོམ་པ་པོས་སྐབས་དེ་ནས་ལོ་ངོ་བཞི་ཙམ་འདས་ཀྱང་རིན་པོ་ཆེའི་བཀའ་སློབ་རྡོ་ལ་རི་མོ་བརྐོས་པ་བཞིན་སེམས་ལ་ངེས་པ་དང་།བསམ་འདུན་ཅི་འདྲ་ཞིག་བཅངས་འདུགལན།དཀའ་སྤྱད་འབད་བརྩོན་གྱིས་སློབ་སྦྱོང་བྱས་ཏེ་མ་འོངས་བོད་གསར་འཛུགས་སྐྲུན་ལ་རང་ནུས་ལེགས་སྐྱེས་སུ་འབུལ་རྒྱུའི་བསམ་འདུན་བཅངས་འདུགཕ།སློབ་ཚན་འདི་སློབ་སྦྱོང་བྱས་པ་བརྒྱུད་ཁྱེད་ཚོར་མྱོང་བ་གང་བྱུང་ངམ།ལན།ཀུན་གཟིགས་བཅུ་པ་ཆེན་པོ་ནི་བོད་ཀྱི་མི་དམངས་མང་ཚོག